ab tere mere beech zara faasla bhi ho

ab tere mere beech zara faasla bhi ho
hum log jab milain to koi doosra bhi ho

tu jaanta nahi meri chah'at ajeeb hai
mujh ko mana raha hai kabhi khud khafa bhi ho

tu bewafa nahi hai magar be wafai kar
us ki nazar main rehnay ka kuch silsila bhi ho

pat jhad k toot'tay hue pat'on k saath saath
mausam kabhi to badlay ga ye aasra bhi ho

chup chaap us ko baith k deekhon tamam raat
jaaga hua bhi ho koi, soya hua bhi ho

us k liye to main ne yaha tak dua'ain ki
meri tara se koi usay chahta bhi ho