TUMHARAY LIYE...

Main ne
Tumharay liye
Kayee rangon ke gulab
Sanjoon ke rakhay hain
Unko indradhanush ke rangon se
Bandha bhi hai
Aur
Sitaroon ko taank ker
Lapeta bhi hai


Main ne
Shermati howi
Usha ke raktaab gaalon ki
Chutkee le kar
Tumhaari maang ke liye sindoor
Apni unglee mein lagaa
Bhee rakha hai


Aaj maine apni
Palkon ko band kar rakha hai
Kyunki
Usme kutchh sapne hain
Jo tumhare bahut apne hain
Jaise main
Aur mere dil me basaa
Tumhara pyaar...